Gabonak heldu dira, gabonak dira...

Egun gutxi falta dira gabonetarako eta hau izango da nire azken sarrera beraz espero dut hilabete hauetan egindakoa gustatu izana.
Eskerrik asko " zoro txikiak" bisitatu duzuen guztioi eta hurrengora arte. Besterik gabe, ongi izan!

Berrikuntzazko jokoak

Taldeko girorako oso garrantzitsua da hitz egiteko biltzea eta baita gai interesgarri baten inguruan hitz egitea. Guzti hau aurrera eramateko teknika batzuk jarraitu behar dira: taldeko partaide guztien parte hartzea sustatu horrela askoren pasibotasuna ezabatuz, taldeko lanean efikazak izatea...

Jokoa: Taldearen jarraipenaren buruhaustea



Helburua: Taldeari sentsibilizatu nahi dio taldearen garapenean kontutan izan behar diren eztabaiden inguruan,
Garapena: Taldeak sortzen dira eta bakoitzak gutun-azal bat daukate hamar aipurekin. Hauekin bi talde sortu behar ditugu:

1. Partaidetzarik ez dagoen aipuak.
2. Beste bat partaidetza ageri diren aipuak.

Denbora batean lan egin ondoren talde bakoitzak gainontzekoen aurrean azaldu beharko du egindakoa

Materiala: Gutun-azal bat hamar aipurekin.
Oharra: Teknika ona da partaidetza zein egokia den jabetzeko.

Joko lasaiak

Jokoa: Lagun ezkutua
Definizioa: Lagun ezkutu bat hautatu behar da eta horretarako bere ezaugarriak behatu behar ditugu.
Helburuak: Lagunen ezaugarriak eta hauen garrantzia ezagutzea eta horrela konfidantza maila handitu.
Materiala: Papela eta bolaluma
Garapena: Partaide bakoitzak lagun ezkutu bat aukeratu behar du baina hobe da ez duen pertsona bat hautatzea. Ez dio inori esaten nor den aukeratu duen pertsona eta denbora batez adi egon behar da hautatutako pertsona horrez ezaugarrietan. Denbora amaitzen denean, bakoitzak bere lagunari idatziko dio gutun bat esaten zer iruditzen zaion, horrela hurrengo egunean interesgarria izango da pertsonarekin sentimendu horiek partekatzea.
Ebaluazioa: Honen bitartez beste pertsona ezagutzeaz gain konfidantza hartzeko egokia da eta etorkizunean izango dituen harremanak nola bideratu jakin ahal izango du

Jokoa: Itsuaurrekoa

Definizioa: Begiak itsita dituen lagun bati gidatu behar zaio.
Helburuak: Gainontzekoen konfidantza lortu behar da jokoak aurrera egin dezan.

Gaueko jolasak

Jokoa: Sardinak
Taldekide bat hautatzen da eta hau ezkutatu egin behar da beste taldekideek hamar kontatzen duten arte. Hamarrera heltzen direnean gainontzekoak bere bila doaz. Lehena aurkitzen berarekin geratzen da eta isil-isilik egon behar dira. Horrela jendea heldu ahala denak egongo dira estu sardinak bailira bezala. Heltzen azkena dena bera izango da hurrengoa ezkutatzen.

Jokoa: Presoa
Atxilotu bat(buruzagia), basoko zuhaitz batean lotu behar dute bere zaintzaileek. Hau egin ondoren, bere zaintzailea hamar pausutara hurruntzen da eta leku egoki bat bilatzen du zeinetatik bere presoa ikusten duen.
Zaindariak orduan gatibuaren lagunei esaten die ez badiote presoari laguntzen zein motatako zigorra izango duen.

Irudizko jokoak

Jokoa: Bilatu pilota

• Adina: 8-12 urte bitartean
• Materiala: Pilota eta zapi bat begiak estaltzeko
• Deskribapena: Lau talde daude bakoitza mutur batean eta talde bakoitzeko kide batek begiak estalita izango ditu eta bere kideen laguntzaz pilota aurkitu behar dute beste taldekideak baino lehenago.

Jokoa: Itsua eta elbarria

• Adina: 10-12 ute bitarten
• Materiala: Bat ere ez
• Deskribapena: Binaka jarri behar dira eta bat bestearen gainean joango da. Behean dagoenak begiak estalita eramango ditu eta horrela gainean dagoen kideak gidatu egingo dio aurretik adostutako zeinuekin.

Nire gaiarekin lotura duen euskal argitalpen bat Issuus erabiliz

Aurreko sarreretan argi utzi nahi izan dut jolasaren garrantzia eta argitalpen honetan oso era egokian adierazten du zer den jolastea. Jolastea atsegina da baina era berean emozioak adierazteko era ezin hobea da.Horrez gain, jolas mota bakoitzak helburu jakin bat dauka eta norberak nahi duen eran gosatzen eta disfrutatzen ditu.Honekin batera esan behar dut , nire aurreko blogetan eta hurrengoetan jolas mota bakoitza azaltzen arituko naizela eta honetan konturatu gaitezke bakoitzak helburu jakin bat daukala baia denek dutela xede bezala umeak disfrutatzea eta pertsona libre bat izatea.
Nik aipatu ez ditudan arren, jostailuak ere erabiltzen dituzte jolasteko baia hauek gabe ere jolastu daitekeela argi dago. Honekin batera, jostailu mota ezberdinak aipatzen ditu zeintzuk guztiok gure bizitzaren etaparen batean ezagutu eta beraiekin jolastu ditugun.Azkenik, aipatzekoa da jolasa boluntarioa dela eta honekin norberak askatasuna lortu dezakeela, gainera kultura jolastuz bideratzen da.
Hona hemen euskal argitalpen honen "embed kodea":

Open publication - Free publishing - More ume

Motibaziozko jokoak

Joko hauetan batez ere mugimendua eta barrea ageri dira eta edozein momentutarako dira aproposak. Hala ere, helburu desberdinetarako erabiltzen dira, esaterako, taldea berotzeko, kideen arteko harremana sustatzeko, egunerokotasunetik pixka bat ateratzeko edota taldeko lan bati amaiera emateko.
Gainera, baliagarriak dira joko lehiakorretatik aldentzeko eta denak jolastea bilatzen dute.

Jokoa: Postaria

• Helburua: Taldearen ezagupena eta animazioa
• Garapena: Partaide guztiak aulkietan esertzen dira korro batean eta erdian dagoenak honako hau esaten du: " gutun bat ekartzen dut zerbait dutenentzat..." , bakoitzak nahi duena esaten du, hala nola, zapatak, kamisetak... Orduan objektu hori duten guztiak lekuz aldatu behar dira, leku barik geratzen dena erdira doa eta berriro esaten du esaldia.
• Oharra: hasieran elkar ezagutzeko pertsonen ezaugarriak erabili ditzateke.

Sormenezko jokoak

Sormenak aurkikuntza, irudimena eta inprobizazioa inplikatzen du baita berria dena onartzea ere. Sormena ez da bakarrik talentua duten pertsonena guztiona baizik.
Berria dena ezagutzeko interesa dago, hau da, ezezaguna denagatik. Denborarekin ohartuko gara sortzea zein erabilgarria den eta ez hori bakarrik gure abilezia proban jartzen dugu eta pena merezi du gure bizitzetan integratzea hau desberdina eta berria izan dadin egunero.

Horrez gain, teoriak, ideiak ikasten arduratzen gara eta ez gara ohartzen garrantzitsuena ideia berriak sortzea, asmatzea dela.

Joko honen helburuak honako hauek dira:
1. Umeen sormena piztu eta estimulatu.

2. Umeei aukera eman beraien ideia orijinalak aurkezteko

Gurasoen ezinbesteko papera

Argi dago umeek denbora gehien dedikatzen duten aktibitatea jolasa dela. Baina zein puntutararte da garrantzitsua gurasoen papera? Hauek ezinbestekoak dira beraien seme-alaben garapen prozesuan. Beraie esker sortzen dira umeen arteko lehen erlazioak hauek haurrak direnean, beraiei esker lehen kontaktua dute beraien inguruarekin eta gainera jolas berriak ezagutzera animatzen dituzte. Gurasoak ere inplikatzen dira aktibitate ezberdinetan horrela emaitza postiboak eskuratuz beraien haurrengan. Izan ere, umeek beraien gurasoak hurbil sentitu nahi dute horrela seguru sentitzen direlako eta gainera babesa ematearekin batera haurrak gehiago motibatuko direlako eta jolasak ezagutzeko kuriositate gehiago izango dutelako. Horrela beraien independentzia garatzen doa gutxinaka-gutxinaka eta erabat seguru snetituko dira handitzen doazen heinean. Jakin badakitelako beraien gurasoak edozertarako egongo direla eta laguntza eskaintzeko prest egongo direla beti.
Beheko taula honi esker hobeto ulertuko duzue gurasoek zenbateko garrantzia duten beraien seme-alaben ikaskuntzan.

Jolasei buruzko Cmap

Cmap honetan, dauden jolas mota guztiak ageri dira baina hobeto ulertzeko adi egon nire hurrengo sarreretara, izan ere, bakoitzari buruzko aipamenak egingo ditut eta ahalik eta era txukunenean azaldu.

Hauen artean ez dago bat bestea baino garrantzitsuagoarik horregatik ezin dugu bakar bat aukeratu. Jolas mota guztiak maila berean daude eta hauek umeen hazkuntza prozesuan daukaten garrantziaz kontzientziatzeko hurrengo sarreran gurasoen parte hartzeari buruz hitz egingo dut eta hauek nola ikusten dituzten jolasak eta hezkuntza prozesuan zein mailararte diren beharrezkoak.

Webquest

 

Nire blogarekin zerikusia daukaten hainbat webquest aurkitu ditut sarean baina Lehen Hezkuntzaren barnean lotura gehien daukana jolasa munduan eta ibili munduan dauka izena. Honen barnean atal desberdinak ageri dira eta munduko toki ezberdinetan bizi diren haurrei aipamena egiten die. Hauek naiz eta bizitzeko era desberdin bat izan, ume guztiek jolastea atsegin dutela argi dago eta ondoren jolasaren bitartez zer lortu daitekeen ageri da.


Orrialde honetan jolas interesgarri bat ageri da munduko jolasei buruzkoa eta ondoren azalpen batzuen bitartez jolasa zertan datzan azaltzen da. Gainera, honekin batera gela nola antolatu behar den azaltzen du jolas hau aurrera eramateko eta hau oso aproposa iruditzen zait gela barruan kaosa ez sortzeko. Jolas honen bitartez munduko haurrak gehiago ezagutzeko aukera izateaz gain, harreman eta komunikazio bat hasteko aukera ezin hobea da.

Webquest honetan ageri den informazioa paregabea iruditzen zait jolasen garrantzia azpimarratzeko eta guztiok honen garrantziaz ohartarazteko.

Nire blogarekin zerikusia duten beste blog batzuk

Jolasei buruz hitz egiten duten blogak asko dira baina ikusitakoen artean interesgarrienak bi hauek iruditu zaizkit.
Lehenak, Donanakatona dauka izena eta honek ikutzen dituen gaiak batik bat nirearen antzekoak dira. Munduko jolasak aipatu ditu eta honekin batera kontinente bakoitzeko jolas aipagarrienak azaldu ditu.Gainera elkarte bat ere aipatzen du eta nahiz eta nik beste elkarte baten filosofia azaldu ondo dago beste aisialdi mota batzuk ezagutzea.

http://www.donadonakatona.blogspot.com/

Bigarren blog honetan jolasarekin ikasten dela ere argi utsi nahi izan du eta hemen agertzen diren gai askok nire blogaren sarrera batzuekin zerikusia izango dute. Azken honek ere aintzinako jolasak aipatzen ditu eta ikus dezakezuen bezala nik ere nire sarrera bat horretara bideratu nuen.

http://www.askejolastuz.blogspot.com/

Ikaskuntzara dedikatuko garen pertsonak asko gara eta blog hauen bitartez ideia asko hartu ahal ditugu ondoren ikasgelan praktikara eramateko.

Euskalerriko eskautak

Eskautei buruz hitz egitea aukeratu dut batez ere hurbiletik bizi izan dudan egoera bat izan delako eta nire bizitzan izugarrizko garrantzia izan duelako. 12 urte nituenean Mungiako eskaut taldean sartzea erabaki nuen, Txispeleta eskaut taldean hain zuzen ere.

Hezteko metodo eraginkor bat izateaz gain, elkarte honek filosofia berezi bat dauka, zeinen bitartez haurrek jolasen bidez ikastea nahi dute eta era berean naturaz bizitzea eta berau errespetatzea. Bertako begiraleak pertsona arduratsuak eta konpromiso handikoak dira horregatik balore desberdinak irakasten dizkiete umeei eta hauek gaur egungo gizartean ezinbestekoak dira. Harrigarria da gurasoen parte hartzea ekintza guztietan eta beraien laguntzeko nahia. Metodologia hau herri eta auzo desberdinetan ematen da eta esna genezake ez daukala irabazi handirik. Talde honen partaideak bokazioagatik aritzen dira bertan gehienbat, baita gazteekin ekitaldiak eta kanpamentuak egitea gustuko dutelako. Eskaut talde batean egiten diren ekintzen artean honako hauek aipa ditzakegu: irteerak, jolasak, antzerkiak, tailerrak...

Kontinenteetan barrena

Aurreko sarreran, argi geratu da gainontzeko kulturekin daukagun harremana guk uste baino estuagoa dela eta eskoletan lantzen diren ekintza ezberdinen bitartez  lotura hori zuzenagoa izan daitekeela.

Kultura bakoitza mundu bat da eta badu zerbait berezi bihurtzen duena. Gure lana munduko jolasak hobeago ezagutzea izango da eta horretarako dauden bost kontinenteen barnean murgilduko gara.

• EUROPA: Dardoak

Lehengo diana bat egin behar da eta ondoren margotu.Horretarako kartoia erabiliko dugu.

Jokalariek hiru dardoak jaurtiko dituzte beraien txanda denean eta hauek jokalari bakoitzaren puntuaziora gehituko dira. Partida bakoitzak hainbat jaurtitze izan ahal ditu eta garailea puntu gehien lortzen duena izango da. Aipatzekoa da, herrialde bakoitzean puntuaketa era desberdina dela.

Munduko jolasen arteko aniztasuna

Ikus dezakegun moduan herrialdeek ohitura eta kultura desberdinak dituzte eta hori argi ikusten da hezkuntzan. Herrialde bakoitza egoera geografiko desberdin batean bizi da, hizkuntza batean mintzatzen da, berezko gastronomia dauka, jai eta ohitura batzuk ditu eta kuriositate eta joku tradizionalak mantentzen ditu.

Hala eta guztiz ere, pentsatzen badugu ez da asko banatzen gaituena, izan ere, pertsona guztiek barre, maitatu eta sentitzen dute. Jolas berdinetara jolasten dugu baina batzuetan hizkuntzak oztopoak jartzen dizkigu besteekin jolasteko eta harremanetan jartzeko.

Bideo honi esker herrialde bakoitzeko betiko jolasak ezagutuko ditugu:

MAPA KONTZEPTUALA PDF 

Mapa kontzeptual hau Elena San Miguelekin batera egin dut eta teknologia berriek duten garrantziaz hitz egin dugu, baita irakasleengan, ikasleengan eta ikasgelan duten eraginaz.

Jolasen bilakaera gaur egunerarte

Aintzinako jolasak esaterako; sokara jolastu, patinetan ibili, eskonderitera jolastu… hauei esker umeek gizarteratzen ikasten zuten eta baita taldeko jarduerak egiten eta beraien imajinazioa lantzen. Gure aiton-amonek eta gurasoek jolasten zituzten jokoak, jolas fisikoak eta lagunartekoak ziren batik bat.

Gaur egun ordea, teknologia berriek ingurua aldatu dute, umeak bakartiago bihurtu dira eta beraien logeletan zarratzen dira beraien kontsolekin jolasteko eta kanpoko munduaz islatzeko. Horrez gain, eskoletako patioetan jada ez dago umerik peontzekin,kanikekin eta horrelakoekin jolasten edota neskak gomara jolasten,konbara...

Bitxia da, aisialdirako umeek aukeratzen duten lehenengo aukera bideojokoak izatea, musika, kirola eta zinema bezalakoak baztertuz.

Argi dago badaudela gauza batzuk denborarekin aldatzen direnak baina jolasa ez da horretariko bat. Jolasa betidanik gizartean barneraturik egon den jarduera bat izanik etapa asko jasan ditu, adibidez: lehen jolasak era honetan banatzen ziren, neskenak eta mutilenak. Azken hauek polizia eta lapurretara jolasten zuten bitartean neskek ama eta aitetara jolasten zuten beraien etxetxoan eta baita panpinekin ere. Gutxinaka gutxinaka neskak mutilen jolasetan esku hartzen hasi ziren baina hauek oraindik ez ziren ausartzen nesken jolasetan parte hartzen esango dutenaren beldur. XXI. mendean esan behar dugu gure ingurura begiratuz askok jolas berdinak konpartitzen dituztela eta badakitela elkarrekin jolasten era dibertigarri batean eta beti errespetuz.

Sarrera bezala...

Blog honen bitartez jolasak umeengan daukan garrantziaz kontzientziatu nahi ditut gurasoak eta baita irakasle izango diren etorkizuneko gazteak. Heziketarako ezinbesteko tresna da nahiz eta batzuk ez konturatu honen balioaz.

Jolasa gure bizitzan bizirik mantentzen den aktibitate bat da. Umeek beraien aisialdia, era natural batean jolasteko aprobetxatzen dute, izan ere, jolasa beraien bizitzako parte ezinbesteko bat da eta esan daiteke beraiek aukeratu dezaketen gauza bakarrenetarikoa.

Esan beharra dago, betidanik existitu diren jolasak daudela esaterako, sokak, panpiñak eta baloiak... Hala ere jolasak, kultura eta gizartearen arabera desberdintzen dira, izan ere, askok ez dituzte behar diren baliabideak materialak eskuratzeko.

Jolasek batez ere ondo pasatzea dute helburu baina ekintza desberdinen bitartez umeek konpartitzen ere ikasten dute eta baita gainontzekoekin erlazionatzen ere. Gainera, berdintasuna eta laguntasuna bezalako alor garrantzitsuak lantzen dira. Azken honi lotuta aipatzekoa da irakasle eta ikasleen arteko erlazioak sortzen direla eta hauei esker ikasleak motibatzen direla eta partaidetza sustatzen duten bitartean arreta ere mantentzen dutela. Laburbilduz, jolastea ezinbestekoa da haurren garapenerako, honen bitartez praktikan jartzen direlako umearen ikaskuntza eta heltze prozesua.

Horrela, bizi diren ingurua ezagutzeaz gain, bizitza errealerako hezten dira eta etorkizunearako prestatzen dira. Horrez gain, adimena eta horren barruan imaginazioa bezalako alderdiak lantzen dira, baita memoria ere .

jolasak

View more presentations from aainho

Kaixo guztioi!

Irati San Roman Zubiaurre naiz, Mungian bizi naiz eta Lehen Hezkuntzako ikaslea naiz Leihoako unibertsitaten. Aurtengoa nire bigarren urtea da eta oso pozik nago ikasketa hauek hautatu nituelako. Espero dut nire bloga gustatzea eta segitzea. Kanta honekin ongietorria ematen dizuet.
Agur bero bat